ShQO-da eki aptada 473 jasóspirim polıtsııa bólimshesine jetkizildi
ÓSKEMEN. KAZINFORM – Shyǵys Qazaqstan oblysynda polıtseıler quqyq buzýshylyq jasaǵan 473 jasóspirimdi bólimshege jetkizdi.
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Jasóspirim» jedel-aldyn alý sharasyn ótkizip jatyr. Ondaǵy maqsat - kámeletke tolmaǵandar arasyndaǵy qylmysty azaıtý.
- Oqýshylar men stýdentter arasyndaǵy quqyq buzýshylyqtyń aldyn alý, jasóspirimderdiń alkogoldi ishimdik ishýin boldyrmaý, olardyń túngi ýaqytta ata-anasynyń qaraýynsyz oıyn-saýyq oryndarynda júrmeýine basa nazar aýdarylǵan. Eki apta ishinde ishki ister bólimderine 473 jasóspirim jetkizildi. 479 ákimshilik quqyq buzýshylyq anyqtalyp, 27 jasóspirim men 27 otbasy esepke alyndy, - delingen aqparatta.
Sondaı-aq oblystyń bilim berý uıymdarynda 383 túsindirý jumystary men kıberqaýipsizdik máseleleri boıynsha 132 dáris ótkizilgen.
Eske salsaq, osyǵan deıin SQO-da ýchaskelik ınspektor er adamdy ólimnen qutqarǵany jaıly jazǵanbyz.