ShQO-da dúkenderde satylatyn oıynshyqtar quramynan qaýipti zattar tabyldy
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, osy jyldyń on aıynda 3419 ónim synamasyna, onyń ishinde 2100 azyq-túlik jáne 1319 ózge taýarǵa tekserý júrgizildi.
Bul ónimderdiń 20,7%-y EAEO-ǵa múshe memleketterden, 53%-y alys jáne jaqyn shetelderden ákelinse, 26,3%-yn otandyq óndirýshiler jasaǵan. Ónim synamalarynyń 23,6%-y Keden odaǵynyń tehnıkalyq reglamentteriniń talaptaryna sáıkes kelmeıtindigi anyqtaldy.
«Balalar oıynshyqtaryn zertteý nátıjeleri boıynsha 7 synamada tańbalaýdyń buzylýy jáne fenol, formaldegıd syndy qaýipti zattardyń bir jarym-eki ese artyq bolýy tirkeldi. Bul balalardyń ýlaný qaýpin týdyrýy múmkin. Onyń ishinde Qytaıda shyǵarylǵan oıynshyq kólik pen qýyrshaq, Ózbekstanda jasalǵan oıynshyq ydys-aıaqtar bar. «Barbı» qýyrshaǵynyń shetteri ótkir bolǵandyqtan búldirshinderdiń oıyn kezinde jaraqattaný qaýpi joǵary», - delingen aqparatta.
Jalpy tekserýler qorytyndysyna sáıkes, jetkizýshilerge, ımporttaýshylar men óndirýshilerge qatysty 223 uıǵarym shyǵarylyp, 2 377 355 teńge mólsherinde aıyppul salyndy. 166 keliden astam qaýipti ónim aınalymnan shyǵaryldy.
