ShQO-da Dostyq úıindegi kovorkıng ortalyqqa baratyn jastar kóbeıdi

ÓSKEMEN. QazAqparat – Shyǵys Qazaqstan oblystyq Dostyq úıi – qoǵamdyq kelisim ortalyǵynda ashylǵan kovorkıng ortalyqqa baratyn jastar sany kóbeıip keledi , dep habarlaıdy QazAqparat tilshisi.

ShQO Dostyq úıi – qoǵamdyq kelisim ortalyǵy keńeıip keledi. Jaqynda Dostyq úıiniń 30-jyldyq mereıtoıy aıasynda jastarǵa arnalǵan kovorkıng ortalyǵy ashylǵan bolatyn. Bul ortalyqtyń basty maqsaty – jastardyń bos ýaqytyn paıdaly ótkizý.

«Ortalyqta ár túrli bólmeler ornalasqan. Jastar bul jerde ǵylymı is-sharalar, semınar, trenıngter ótkize alady. Sonymen qatar vokal kabıneti jumys isteıdi. Eger de jańadan áleýmettik jelilerdi júrgizip bastap kele jatqan bloger bolsańyz, sizge arnalǵan kontent jasaıtyn bólme de bar. Keshki ýaqytta kovorkıng ortalyǵynda fılmder tamashalaýǵa bolady. Bunyń barlyǵy tegin. Eń bastysy, ózińizdi damytýǵa degen nıetińiz bolsa bolǵany», - dep habarlady Dostyq úıinen.

Osy oraıda qaladaǵy oqý oryndarynyń stýdentterimen tanystyrý kezdesýi ótti. Shara barysynda stýdentter Dostyq úıiniń, «Assambleıa jastary» jastar qozǵalysynyń qyzmetimen jáne kovorkıng ortalyǵynyń artyqshylyqtarymen tanysyp, áıgili EtnoGame oıynyn oınady.

«Jastarymyz súıip oınaıtyn Etno Game oıyny týraly «Assambleıa jastary» qozǵalysynyń tóraǵasy Ravıl ıÝnýsovtyń arqasynda bilgen edik. Jastar forýmyna baryp, osy oıynda Reseıdegi Omby qalasynan Óskemendegi Dostyq úıine alyp kelgen de sol. Ústel oıynynyń maqsaty – Qazaqstanda turatyn etnostardyń salt-dástúrleri men ádet-ǵuryptaryn keńinen nasıhattaý. Oıyn barysynda qatysýshylar túrli etnostardyń ulttyq taǵamdarynyń erekshelikterimen, kıimderimen, turmystyq buıymdarymen tanysty», - delingen aqparatta.

Mýzykalyq úzilis jyly atmosfera syılady. Jastardyń biri án aıtyp, gıtara shertip, óz ónerimen ózgelerdi qýantty. Sharanyń jastarǵa jaqsy áser etkeni sonsha, olardyń kópshiligi «Assambleıa jastary» jastar qozǵalysynyń qataryna qosylyp, kovorkıng ortalyǵyna turaqty túrde barǵysy keletindikterin jetkizdi.

Jastarǵa arnalǵan kovorkıng ortalyǵyna keletinder sany kún ótken saıyn artyp keledi. Jaqynda kezekti jıyn barysynda fılm kórsetilimi uıymdastyryldy. Sharanyń basty maqsaty – jaı ǵana kóńildi ýaqyt ótkizý emes, kelýshilerdiń shetel tilin jetildirýine jol ashý. Óıtkeni fılm aǵylshyn tilinde kórsetildi.

Fılmdi tamashalaǵan jastar sıýjetti jáne eń qyzyqty sátterdi uzaq talqylady. Qyzý pikirtalas boldy. Jastar óz qııaldarynyń múmkindikterin kórsetip, fılmde kórinis tapqan oqıǵalar basqasha shyqsa, ne bolatyndyǵyn elestetti.

«Uıymdastyrýshylarǵa alǵys aıtqym keledi. Bul keshti paıdaly ári kóńildi ótkize aldym. Men fılmder kórgendi unatamyn. Al sony tildik jattyǵýlarmen úılestirsek, bul eki jaqty paıdaly bolary anyq», - dep óz oıymen bólisti sharaǵa qatysýshylarynyń biri.