ShQO-da dıspanserlik esepte teri obyrymen 1 743 adam tur

ÓSKEMEN. KAZINFORM – Shyǵys Qazaqstan oblysynda 1 700-den astam adam teri obyryna shaldyqqan. 

ShQO Kópsalaly onkologııa jáne hırýrgııa ortalyǵynda «Teri qaterli isigi jáne melanoma týraly respýblıkalyq aqparattandyrý aptalyǵy» taqyrybynda baspasóz konferentsııasy ótti. Onda óńir boıynsha qansha adamnyń teri obyryna shaldyqqany aıtyldy. 

«Búginde dıspanserlik esepte teri obyrymen 1 743 adam, melanomamen 202 adam tur. Kóbinese bul aýrý Óskemen, Rıdder qalalary men Glýbokoe, Shemonaıha, Altaı aýdandarynda anyqtalǵan», - deıdi ShQO Densaýlyq saqtaý basqarmasynyń shtattan tys bas onkology, Kópsalaly onkologııa jáne hırýrgııa ortalyǵynyń dırektory Gúlmıra Saǵıdýllına. 

Ótken jyldyń ózinde Shyǵys Qazaqstan oblysynda teri qaterli isiginiń 472, melanomanyń 41 jańa jaǵdaıy tirkelgen. 

«2024 jyldyń birinshi toqsanynda teri obyryna 90, melanomaǵa 9 adam shaldyqty. Oblysta teri qaterli isikteri dıagnostıkasynyń turaqty joǵary kórsetkishi bar. Erte kezeńde teri isigi 99,2% jaǵdaıda, melanoma 93,3% jaǵdaıda anyqtalady», - deıdi ortalyqtyń klınıkalyq dıagnostıka bóliminiń meńgerýshisi Sholpan Nurǵalıeva. 

Eske salsaq, budan buryn Shyǵys Qazaqstandaǵy gıdrobekette sý deńgeıi kóterilip ketkenin jazǵan edik.