ShQO-da demalys oryndaryna PTR anyqtamasyz barýǵa bola ma
Onlaın formatta ótken baspasóz máslıhaty barysynda ShQO Týrızm jáne syrtqy baılanystar basqarmasynyń basshysy Marat Qabaqov jyl basynan beri kásipkerler jaz aılarynda demalys bazalaryna keletin týrısterden PTR anyqtama talap etpeý týraly ótinish jasaǵanyn aıtty. Osylaısha, kelýshilerdi ornalastyrý boıynsha birqatar ereje bekitilgen. Naqty aıtqanda, «Ashyq» júıesinde «kók» jáne «jasyl» mártebesi bar týrıster esh qıyndyqsyz demalys ornyna bara alady. Sonymen qatar PTR anyqtamamen nemese vaktsınatsııa tapsyrǵanyn rastaıtyn pasportpen kelýge bolady.
«Al «sary» jáne «qyzyl» mártebesi bar demalýshylarǵa týrıstik-saýyqtyrý oryndaryna bolýǵa tyıym salynǵan. Demalys bazalarynda koronavırýsty jappaı juqtyrý jaǵdaılaryn boldyrmaý úshin áleýmettik araqashyqtyq qatań saqtalýy qajet. Sondaı-aq adamdar kóp shoǵyrlanǵan jerlerde kúndelikti profılaktıkalyq dezınfektsııa júrgiziledi. Monıtorıngtik toptar sanıtarlyq-epıdemıologııalyq talaptardyń saqtalýyn júıeli túrde tekserýdi josparlap otyr», - dedi ShQO Sanıtarlyq-epıdemıologııalyq baqylaý departamenti basshysynyń orynbasary Ǵalymbek Alın.
ShQO Kásipkerler palatasynyń dırektory Qaırat Mamyrbaevtyń aıtýynsha, búginde Alakól jaǵalaýyndaǵy 188 demalys bazasynyń 153-i sanıtarlyq-epıdemıologııalyq baqylaý departamentiniń qorytyndysyn alǵan. Al Ashyq jobasyna toǵyz demalys bazasy qosylyp úlgerdi.
