ShQO-da demalys kúni jumys istegen shashtaraz ıesi aıyppul tóleıdi
ShQO polıtsııa departamenti baspasóz qyzmetiniń málimetine súıensek, Borodýlıha aýdanynda júrgizilgen reıd barysynda monıtorıng tobynyń músheleri karantın buzǵan shashtaraz ıesin anyqtady.
Shashtaraz demalys kúnderi klıent qabyldaǵan.
Oblystyń bas memlekettik sanıtar dárigeri mindetin atqarýshynyń qaýlysy boıynsha shashtarazdarǵa demalys kúnderi (senbi, jeksenbi) jáne mereke kúnderi jumys isteýge tyıym salynǵan.
«Jeke kásipkerge shekteý sharalarynyń talaptaryn buzǵany úshin QR ÁQBtK 425-baby boıynsha ákimshilik hattama toltyryldy. Jınalǵan materıaldar Borodýlıha aýdandyq sanıtarııalyq-epıdemıologııalyq baqylaý basqarmasyna jiberildi», - deıdi ShQO PD bastyǵy Saǵat Mádıev.
Aıta keteıik, qazirgi ýaqytta óńirde 128 monıtorıngtik top jumys isteýde.
Olardyń quramyna polıtsııa qyzmetkerleri, jergilikti atqarýshy organ ókilderi jáne sanıtarııalyq-epıdemıologııalyq baqylaý departamentiniń mamandary kiredi.