ShQO-da demalys kúnderi 5 adam sýǵa batyp ketti

ÓSKEMEN. QazAqparat – Shyǵys Qazaqstan oblysynda demalys kúnderi oblysta 5 adam sýǵa batyp ketti, dep habarlaıdy QazAqparat oblystyq TJD baspasóz qyzmetine silteme jasap.

Demalys kúnderi ystyq bolǵan soń shyǵysqazaqstandyqtar sý aıdyndaryna asyqty, sonyń ishinde tyıym salý belgileri turǵan jerlerde shomyldy. ıAǵnı, demalys kúnderi oblysta 5 adam sýǵa batyp ketti.

«4 shildede Shemonaıha aýdanynda ponton kópiri aýdanynda belgilenbegen jerde shomylyp júrgen 30 jastaǵy jigit sýǵa batyp ketti. Aýdanda shomylýǵa tyıym salatyn 14 belgi ornatylǵan jáne jigit sýǵa batyp ketken jerde tyıym salatyn belgi tur.

6 shildede Serebrıansk qalasynda Ertis ózeninine 21 jastaǵy jigit sýǵa batyp ketti. Shomylýǵa belgilenbegen jerde sýǵa túsip, ol shyǵanaqty júzip ótpek bolǵan. Shyǵanaqtyń eni shamamen 40 metr. Jas jigit arǵy jaǵaǵa baryp, keoi qaıtqanda 5-6 metr júzip, sýǵa batyp ketken», delingen habarlamada.

Sol kúni Semeı qalasynda 1 adam sýǵa batyp, 2 adam joǵalyp ketti.

Birinshi oqıǵa 5 shildede «Orlınnoe gnezdo» kafesiniń mańynda boldy, kýágerlerdiń aıtýynsha, 2 er adam Ertis ózeninen júzip júrip joǵalyp ketken. 7-shi qutqarý bólimshesiniń qyzmetkerleri jaǵalaýdy qarap shyqty, al qazir olardy súńgýirler izdestirip jatyr. Jastardy izdeýge jaǵalaý aımaǵyn tekseretin áskerı bólim qyzmetshileri tartyldy.

Ekinshi oqıǵa «Zaton bógeti» aýdanynda boldy. 33 jastaǵy áıel shomylýǵa baryp, batyp ketti.

«7 jastaǵy qyz bala qutqaryldy. Ol ata-ájesimen birge Semeı qalasynda jaǵalaýda demalǵan. Úrlemeli dóńgelek 7 jasar balany demalý ornynan jarty shaqyrym qashyqqa alyp ketken. Kýágerler ony qutqardy. 23 jastaǵy Asan Tashon men Farýh Kádirqulov balany aǵys tez alyp bara jatqanyn kórip, artynan jaǵalaýmen júgirip, qatarlasqan kezde júzip baryp, qyzdy sýdan alyp shyqty», delingen habarlamada.

Osy kezde 7-shi qutqarý bólimshesiniń qyzmetkerleri qaıyqpen júzip kelip, qyzdy demalys ornyna jetkizip, týystaryna tapsyrdy.

Asan Tashon men Farýh Kádirqulov – «Shyǵys» óńirlik qolbasshylyǵyna qarasty áskerı bólimde vzvod komandırleri.

Dál osyndaı jaǵdaı 4 shildede boldy. Kýáger qyzdy qutqardy Qanash Qurmanbaev Zaton polıtsııa bóliminiń polıtsııa kapıtany. Ol Beıbitshilik aralynda demalyp jatqanda, ballonda otyrǵan shamamen 13 jastaǵy qyzdy aǵys áketip jatqanyn kórgen. Polıtseı esh oılanbastan, balaǵa kómektesýge umtylyp, ony jaǵaǵa alyp shyqty.

ShQO Tótenshe jaǵdaılar departamenti azamattardy sýdaǵy qaýipsizdik erejelerin qatań saqtaýǵa shaqyrady.