ShQO-da demalys kúnderi 3 kólik órtendi
ÓSKEMEN. QazAqparat – Shyǵys Qazaqstan oblysynda ótken demalys kúnderi 3 kólik órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 6 qarasha kúni Semeı qalasy Túktibaev kóshesinde kele jatqan 2002 jylǵy «Sýbarý Forester» markaly avtokóliginen órt shyqty. Tilsiz jaý qozǵaltqysh bóligin, salondy, dońǵalaqtyń janǵysh bólshekterin sharpydy.
«Oqıǵa ornyna shuǵyl kelip jetken qutqarýshylar jalpy aýdany 6 sharshy metrdi quraǵan jalyndy óshirdi. Aldyn ala málimet boıynsha órttiń shyǵýyna – qaýipi joǵary agregatpen abaısyz jumys atqarý sebep bolǵan», - delingen aqparatta.
7 qarashada Tarbaǵataı aýdanynda jeke turǵyn úı aýlasyndaǵy «Vaz 2115» avtokóligi órtendi. Órttiń shyǵý sebebi –qaýiptiligi joǵary agregatpen abaısyz jumys atqarý.
«Sol kúni Glýbokoe aýdanynda jer úıdiń aýlasyndaǵy garaj otqa orandy. Jalyn sharpyǵan jalpy aýdan – 80 sharshy metrge jetken. Garaj ishinde turǵan «RAV-4» kóliginiń qozǵaltqysh bóligi, aspaptar paneli men dońǵalaq qaqpaqtary jandy. Jalynnyń shyǵý sebebi – otty abaısyz qoldanýdan bolýy yqtımal», - delingen habarlamada.
