ShQO-da demalys kúnderi 2 er adam men 3 bala qutqaryldy
ÓSKEMEN. QazAqparat – Shyǵys Qazaqstan oblysynda demalys kúnderi 2 er adam men 3 bala qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 13 aqpanda Semeı qalasyndaǵy Gagarın kóshesinde er adam shuńqyrǵa qulap ketken. Oqıǵa ornyna shuǵyl kelip jetken №2 mamandandyrylǵan órt sóndirý bóliminiń qutqarýshylary ony alyp shyǵyp, jedel járdem dárigerlerine tapsyrdy.
«Al Ótepbaev kóshesinde karshadaı balalar páterde qamalyp qaldy. Qutqarýshylar arnaıy quraldardyń kómegimen esikti ashyp, 4 jáne 2 jastaǵy búldirshinderdi shyǵardy. Osyǵan uqsas jaǵdaı Óskemende tirkelgen. Astana kóshesindegi syrtqy esigi jabylyp qalǵan páterde bir bala boldy. Qutqarýshylar jedel túrde esikti ashýǵa kómektesti», - delingen aqparatta.
Semeıdegi Shúlbi kentinde muzda jeńil avtokólik qalyp qoıǵan. Júrgizýshi qutqarýshylardan kómek surady. №40 órt sóndirý bóliminiń qyzmetkerleri sol jerge kelip, 21 jastaǵy er adamdy ótimdiligi joǵary tehnıkamen evakýatsııalady. Oǵan medıtsınalyq kómek qajet bolmady.
