ShQO-da demalys kúnderi 10 órt shyqty
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha ótken senbi-jeksenbi kúnderi 10 órt boldy.
«Qyzyl jalyn Óskemen, Semeı, Kýrchatov qalalarynda jáne Borodýlıha, Glýbokoe, Jarma, Katonqaraǵaı, Ulan, Shemonaıha aýdandarynda shyqqan.
Bes oqıǵada turǵyn úı, ekeýinde aýladaǵy sharýashylyq qora-jaı, bireýinde pishen órtendi. Sondaı-aq eki avtokólik otqa oranǵan», - delingen aqparatta.
4 órt – otty abaısyz paıdalanýdan, 2 – elektr jabdyqtaryn montajdaý jáne paıdalaný kezinde qaýipsizdik talaptaryn saqtamaýdan, 2 – jylytý peshterin qoldaný barysynda qaýipsizdik erejeleriniń buzýylynan jáne 2 – qaýiptiligi joǵary agregatpen abaısyz jumys atqarýdan shyqty.
Aıta keteıik, jyl basynan beri oblys boıynsha 1029 órt shyqqan.
