ShQO-da demalys bazalaryna aparatyn jol ýaqytsha jabylady
ÓSKEMEN. QazAqparat – Shyǵys Qazaqstan oblysynda demalys bazalaryna aparatyn jol ýaqytsha jabylady, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 28-29 shilde aralyǵynda «Óskemen-Taýly Úlbi-Severnoe» tasjolynyń 31-37 shaqyrymy (Z. Kosmodemıanskaıa atyndaǵy lagerden «Altaı Alpi» demalys bazasyna deıingi jol) boıynsha kólik quraldarynyń barlyq túrleri úshin qozǵalys jabylady.
«Engizilgen shekteýler sý ótkizý qubyryn jóndeýge baılanysty bolyp otyr. Kólik júrgizýshileri eldi mekenderge, lagerlerge jáne demalys bazalaryna barý úshin «Óskemen-Altaı-Rahman qaınary» tasjolymen aınalyp ótýi qajet», - dep habarlady vedomstvo ókilderi.
Tártip saqshylary júrgizýshilerge engizilgen shekteýlerdi eskere otyryp, marshrýttardy aldyn ala jasap alý qajettigin eskertedi.
