ShQO-da demalyp jatqan otbasy órttiń qurbany bola jazdady
ÓSEKEMEN. QazAqparat - Buqtyrma sý qoımasy jaǵalaýyndaǵy eki qabatty demalys orandarynyń biri qas-qaǵym sátte otqa orandy, dep habarlaıdy QazAqparat ShQO Tótenshe jaǵdaılar departamentine silteme jasap.
Demalyp jatqan otbasy músheleri tútinniń ısin sezgen soń, demalys ornynyń ákimshiligine habarlaǵan. Jalyn birden qanat jaıyp úlgerdi. Al ákimshilik ókilderi bolsa, bolǵan oqıǵany «101» nómirine habarlaýdyń ornyna órtti arnaıy qurylǵylardyń kómegimen ózderi sóndirmek bolǵan. Alaıda bul isterinen nátıje shyǵara almaǵan olar, birshama ýaqyt joǵaltyp baryp, órt sóndirý qyzmetine habar bergen. Órt sóndirýshi tehnıka kelgenshe oqıǵa ornyna órt sóndirýshi kater jetip úlgerdi. Bul keme demalys bazalarynyń birinde qaýipsizdikti qamtamasyz etýmen aınalysatyn.
Keme ashyq órtti sóndirip, órttiń negizgi bóligin aýyzdyqtaǵan. Budan keıingi jumystardy № 3 órt sóndirý bóliminiń sarbazdary jalǵastyrdy. Órt tolyqtaı saǵat 14-10-da sóndirildi.
2 qabat aǵashtan salynǵan bolǵandyqtan órt úıdiń basym bóligin zaqymdap úlgerdi. Demalyp jatqan otbasy músheleri zardap shekken joq. Olar kórshiles úılerdiń birine kóshirildi. Qazirgi tańda órttiń shyǵýyna sebepshi bolýy múmkin eki baǵyt qarastyrylýda. Birinshisi, elektr qurylǵysy buzylǵan, ekinshisi elektr qurylǵylaryn paıdalanýda órt qaýipsizdigi talaptary qadaǵalanbaǵan.
