ShQO-da daýyldy jel 9 myńnan astam abonentti jaryqsyz qaldyrdy - TJM
ASTANA. Naýryzdyń 16-sy. QazAqparat - Sekýndyna 34-40 metr jyldamdyqpen soqqan jeldiń saldarynan Shyǵys Qazaqstan oblysynda elektr energııasy taǵy da óshti.
Bul joly 9073 abonent jaryqsyz qaldy, dep habarlady Qazaqstannyń Tótenshe jaǵdaılar mınıstrliginen.
Vedomstvodan málim etkendeı, oblys aýmaǵynda elektr jaryǵy naýryzdyń 15-kúni tańerteńgi saǵat 7 shamasynda óship qalǵan. Máselen, Semeı qalasynyń Shyǵys kentinde - 1788, sondaı-aq birqatar aýdandarda, atap aıtqanda, Aıagózde - 1864, Jarmada - 387, Zaısanda - 637, Qatonqaraǵaıda - 1261, Ulanda - 1956 jáne Kúrshimde - 1180 tutynýshy energııa kózinen ajyratyldy.
Aýa raıynyń nashar bolýyna (burqasyn jáne kórý múmkindiginiń shektelýi) jáne qozǵalystyń qıyndyǵyna baılanysty atalmysh óńirlerde qalpyna keltirý jumystary áli bastalǵan joq.
Jospar boıynsha jóndeý brıgadalary jumysqa búgin, naýryzdyń 16-synda kirisedi.
Esterińizge sala keteıik,ústimizdegi naýryz aıynyń 9-ynan 10-yna qaraǵan túni kúshti jel ShQO-nyń 4 jarym myńnan astam abonentin jaryqsyz qaldyrǵan bolatyn. Elektr jelileri tek 4 kúnnen keıin ǵana tolyǵymen iske qosyldy.
