ShQO-da daýyl úılerdiń shatyryn ushyryp, ǵımarattarǵa zaqym keltirdi
ÓSKEMEN. KAZINFORM – Shyǵys Qazaqstan oblysy Zaısan aýdanynda qatty jel soǵyp, birneshe ǵımarat búlindi.
Aýdan ákimdiginiń málimetine súıensek, kesheli beri soqqan daýyldyń saldarynan turǵyn úıler men túrli ǵımarattarǵa zaqym keldi. Sondaı-aq aǵashtar qulap, shatyrlar búlindi.
- Apat saldaryn joıý maqsatynda jaýapty qyzmetter men tótenshe jaǵdaılar bóliminiń mamandary jedel túrde oqıǵa oryndaryna shyǵyp, qalpyna keltirý jumystaryn bastap ketti. Qazirgi ýaqytta naqty shyǵyn kólemi eseptelip, zaqymdanǵan nysandardy anyqtaý jumystary júrgizilip jatyr, - delingen aqparatta.
Osy rette, ákimdik qyzmetkerleri turǵyndardan qaýipsizdik talaptaryn qatań saqtap, elektr symdary men qulaǵan aǵashtarǵa jolamaýdy surady.
Eske salsaq, osyǵan deıin Túrkistan men Shymkentte kún qubylyp turǵany habarlanǵan.