ShQO-da dárigerler júreginde alyp isigi bar naýqasty aman alyp qaldy
ÓSKEMEN. KAZINFORM – Shyǵys Qazaqstan oblystyq aýrýhanasynyń kardıohırýrgtary áıeldiń ómirine qaýip tóndirgen sırek kezdesetin mıksoma isigin sátti alyp tastady.
Bul klınıkalyq jaǵdaı týraly ShQO aýrýhanasynyń kardıohırýrgi Shyńǵys Baltabekov málim etti.
Jýyrda medıtsınalyq mekemege 37 jastaǵy áıel asa sırek ári ómirine tikeleı qaýip tóndiretin dıagnozben - júrektiń sol jaq júrekshesindegi mıksomamen túsken. Dárigerlerdiń der kezinde jasaǵan dıagnostıkasy men jedel hırýrgııalyq aralasýynyń arqasynda naýqastyń júregindegi isik alynyp tastaldy.
- Júrekke jasalǵan ýltradybystyq zertteý kezinde biz birden júreksheler arasyndaǵy qalqanyń boıynda ornalasqan iri isikti baıqadyq. Bul sol jaq júrekshege ornalasý - mıksomaǵa tán. Naýqastyń jaǵdaıy shuǵyl ota jasaýdy talap etti. Abyroı bolǵanda, ota sátti ótti. Qazir patsıenttiń ómirine eshqandaı qaýip tónip turǵyn joq, - dedi Shyńǵys Baltabekov.
Eske salsaq, osyǵan deıin Aqtóbede dárigerdiń qateliginen soń emhana patsıentke moraldyq shyǵyn tóleıtini habarlanǵan.