ShQO-da dári-dármek baǵasyn ósirip satqan dárihana ıesi jaýapqa tartyldy

Óńirde dárilerdiń belgilengen shekti baǵadan qymbat satylmaýyna monıtorıng júrgizilip jatyr. Bul týraly QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń ShQO boıynsha departamentinen málim etti. 

- Shilde aıynda respýblıka boıynsha 2 555 dárilik zattyń baǵasyna monıtorıng júrgizilgen. Nátıjesinde 589 preparattyń bólshek saýda baǵasy tómendegen. 47 preparattyń baǵasy 20%-dan astam, 198 dárilik zattyń baǵasy 10-20%, taǵy 244 preparattyń baǵasy 5-10% aralyǵynda tómendegen. Dári-dármek baǵasyn baqylaý turaqty túrde júrgiziledi. Tańbalaý jáne qadaǵalaý júıesi arqyly preparattardyń qozǵalysy men dárihanalardaǵy naqty satylym baǵasy qadaǵalanyp, belgilengen shekti baǵamen salystyrylady, - delingen aqparatta. 

Turǵyndar dári-dármek baǵasyn ózderi teksere alady. «Naqty Onim» mobıldi qosymshasy arqyly preparattyń óndirýshisi, dıstrıbıýtory, satylatyn dárihana jáne belgilengen shekti bólshek saýda baǵasy týraly málimet alýǵa bolady.

- Qoldanystaǵy talaptarǵa sáıkes 2 055 dárilik zattyń ataýyna memlekettik baǵa retteýi qoldanylady. Baqylaýda áleýmettik mańyzy bar jáne turǵyndar arasynda suranysy joǵary dárilik preparattarǵa basymdyq berilgen. Jyl basynan beri Shyǵys Qazaqstan oblysynda dárilik zatty belgilengen shekti baǵadan joǵary satý boıynsha bir fakti anyqtaldy. Atalǵan jaǵdaı boıynsha dárihana ıesine ákimshilik aıyppul salyndy, - delingen habarlamada. 

Eske salsaq, osyǵan deıin ShQO-da medıtsına qyzmetkerleri patsıentterge esirtkisi bar dári ótkizgeni habarlanǵan.