ShQO-da dala órtterin anyqtaý úshin ǵaryshtan baqylaý júrgizilýde
ShQO Tótenshe jaǵdaılar departamenti baspasóz qyzmetiniń málimetine súıensek, bıylǵy órt qaýpi joǵary kezeń bastalǵaly beri 180-nen astam dala órti tirkelgen. Qyzyl jalynnyń jalpy aýmaǵy 4818 gektardy qurady. Kóp jaǵdaıda órttiń shyǵýyna – halyqtyń otpen abaısyz áreket etýi sebep bolǵan.
«Janýdy bastapqy kezeńde anyqtaý úshin TJD mamandary kosmomonıtorıngti paıdalanady. «Geosat« JShS-men jasalǵan kelisimshart negizinde termonúkteler boıynsha derekter alýǵa múmkindik bar. Búgingi tańda ǵaryshtyq tehnologııalardyń kómegimen qutqarýshylar órttiń taralýyn talaı ret ýaqtyly anyqtap, jalyndy tez aýyzdyqtady. 2021 jyldyń 11 sáýirinen bastap 352 termonúkte tirkelgen», - delingen habarlamada.
Zamanaýı mamandandyrylǵan baǵdarlamalyq qamtamasyz etýdiń kómegimen Shyǵys Qazaqstan aýmaǵynda táýlik boıy 1 mln sharshy shaqyrymnan astam qashyqtyqta ǵarysh túsirilimi derekteri saqtalady. Bul tótenshe jaǵdaılarda jedel sheshim qabyldaýǵa múmkindik beredi.
