ShQO-da dala órtiniń aýmaǵy 360 gektardan asty
ShQO tótenshe jaǵdaılar departamenti baspasóz qyzmetiniń málimetine súıensek, Altaı aýdanyndaǵy «Zyrıan» orman sharýashylyǵy jáne «Bykov» ormanshylyǵynda shyqqan dala órtimen kúres áli de jalǵasýda.
Tilsiz jaý shóp pen butany sharpyǵan. Taýdaǵy jerlerge jaıylǵan jalyndy aýyzdyqtaý qıynǵa soǵýda.
«Ondaı jerlerge arnaıy tehnıka jete almaı jatyr. Soǵan oraı sýaǵar qurylǵysy bar MI-8 tikushaǵy jumyldyryldy. Eldi mekenderge tónip turǵyn qaýip joq. Oqıǵa ornynda jedel shtab táýlik boıy jumys istep jatyr», - delingen aqparatta.
Órtti sóndirýge oblystyq TJD-dan, ormanshylardan, jergilikti atqarýshy organdardan jáne «Qazavıaormanqorǵaý» mekemesinen 340-tan astam adam men 25 tehnıka tartyldy. Aldyn ala derek boıynsha ottyń jalpy aýdany 367 gektardy quraıdy.
Eske salsaq, Memleket basshysy Qostanaıdan bólek taǵy bes oblysta órt oshaǵy paıda bolǵanyn aıtty.
Qostanaı oblysynyń Áýlıekól aýdanynda orman órti 2 qyrkúıek kúni bastaldy. Birneshe aýyldan 1841 adam evakýatsııalandy. Tilsiz jaý 86 jastaǵy turǵynnyń ómirin jalmady . 10 adam jaraqat aldy, onyń tórteýi qazir aýrýhanada jatyr .
Qostanaı oblysynda Ahmet Baıtursynulynyń 150 jyldyq mereıtoıyna oraılastyrylǵan saltanatty sharalar keıinge shegerildi. Іs-sharalarǵa Prezıdent Qasym-Jomart Toqaev baratyny josparlanǵan edi. Memleket basshysynyń baspasóz hatshysy Rýslan Jeldibaı Facebook-tegi paraqshasynda QR Prezıdenti orman órtine qaramastan Qostanaı oblysyna jumys saparymen baratynyn aıtty.
Búgin Q.Toqaev óńirge bardy. Órt bolǵan eldi meken turǵyndarymen kezdesken Prezıdent zardap shegýshilerge Úkimet eki aıda burynǵydan da jaqsy úıler salyp beretinin aıtty. Órtti aýyzdyqtaýǵa júzdegen tehnıka, myńdaǵan adammen birge 7 birdeı tikushaq tartyldy.
QR Tótenshe jaǵdaılar mınıstri ıÝrıı Ilın Qostanaı oblysyndaǵy ó rt adam qolynan boldy degen nusqany joqqa shyǵarmaıtynyn málim etti.
Zardap shekken qostanaılyqtarǵa kómek berý úshin biryńǵaı qoǵamdyq qor quryldy.
Óńirdegi jaǵdaı turaqtalǵansha, 3 myńnan astam oqýshy qashyqtan bilim alatyn boldy.
Áýlıekól aýdanyndaǵy órt saldarynan Amanqaraǵaı aýylynda 98 úı órtenip ketti.
Óńirde tótenshe jaǵdaı rejımi jarııalandy.
Úıleri órtenip ketken qostanaılyqtardyń banktegi nesıeleri jabylady.
