ShQO-da dala órtiniń aldyn alý úshin 69 mobıldi top jumys istep jatyr
ShQO tótenshe jaǵdaılar departamenti baspasóz qyzmetiniń málimetine súıensek, bıyl órt qaýpi joǵary kezeń bastalǵaly beri óńir boıynsha jalpy aýdany 2501 gektardy sharpyǵan 113 dala órti tirkelgen.
Kóp jaǵdaıda ottyń shyǵýyna qasaqana shópti órteý sebep bolyp otyr.
«Shópti jaqqan kezde eshkim onyń saldaryn oılamaıdy. Biraq jeldiń kesirinen ot odan saıyn órship, eldi mekenderge, ormandarǵa, turǵyndardyń densaýlyǵy men ómirine qaýip tóndiredi. Osy rette qutqarýshylar, ormanshylar, polıtseıler jáne jergilikti atqarýshy organ ókilderi dala órtiniń aldyn alý úshin birqatar sharalardy qolǵa alǵan. 384 adamnan turatyn 69 birlesken mobıldi top quryldy. Olar halyqqa túsindirý jumystaryn júrgizip, órt qaýipsizdigi erejelerin qatań saqtaýǵa shaqyrýda» delingen habarlamada.
Júrgizilgen reıdter nátıjesinde qaýipsizdik talaptaryn saqtamaǵan 260 adam anyqtalǵan.
Olar QR ÁQBtK-niń 336 jáne 410-baptary boıynsha ákimshilik jaýapkershilikke tartyldy.