ShQO-da dala órtiniń 70 paıyzy halyqtyń otty abaısyz qoldanýynan shyǵady

ÓSKEMEN. QazAqparat – Shyǵys Qazaqstan oblysynda dala órtteriniń 70 paıyzy halyqtyń otty abaısyz qoldanýynan shyǵyp otyr, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetinshe, óńirde órt qaýpi joǵary kezeń bastalǵaly beri qutqarýshylar kúsheıtilgen rejımde jumys istep jatyr.

Jalpy oblys boıynsha 43 órt sóndirý beketi bar. 225 adamnan turatyn mobıldi toptar da qurylǵan.

Dala órtteriniń 70% halyqtyń otty abaısyz qoldanýynan shyǵyp jatyr.

Azamattar shóp shaǵyp, qoqys órtegende qaýipsizdik talaptaryn saqtamaıdy. Shyǵys Qazaqstanda bıyl 140,2 gektar alańda 18 dala órti tirkeldi.

«Arnaıy qurylǵan mobıldi toptardyń qataryna órt sóndirýshiler, jergilikti atqarýshy organ ókilderi, polıtseıler men ormanshylar kiredi. Osy ýaqytqa deıin júrgizilgen 98 reıd sheńberinde órt qaýipsizdigi erejelerin saqtamaǵany úshin 23 adam ákimshilik jaýapkershilikke tartyldy», - delingen aqparatta.

Sondaı-aq oblys ormandarda osy jyly 5 órt shyqqan.