ShQO-da dala órtimen kúreske 200-ge jýyq áskerı qyzmetshi tartyldy

ÓSKEMEN. QazAqparat – Shyǵys Qazaqstan oblysy Glýbokoe aýdanyndaǵy dala órtimen kúreske 200-ge jýyq áskerı qyzmetshi tartyldy, dep habarlaıdy QazAqparat tilshisi.

ShQO tótenshe jaǵdaılar departamentiniń málimetinshe, 7 qyrkúıek kúni túngi saǵat bir shamasynda Glýbokoe aýdanyndaǵy Kamennyı karer aýylynyń mańynda shóp pen buta jana bastaǵan.

Aldyn ala boljam boıynsha qyzyl jalyn sharpyǵan aýmaq 35 gektardy quraıdy. Tilsiz jaýmen kúreske qutqarýshylar, ormanshylar men polıtseılerdiń qatarynan 138 adam men 19 tehnıka jumyldyrylǵan. Jel ekpini sekýndyna 15 metrge deıin jetip otyr.

QR Ulttyq ulany «Shyǵys» óńirlik qolbasshylyǵy baspasóz qyzmetiniń habarlaýynsha, qazirgi ýaqytta sol jerge 5518 áskerı bóliminiń 200 jýyq jaýyngeri tartyldy. Ulandyqtar dereý «Taýly úlbi» aýdanyndaǵy órtti sóndirýge attandy.

Eske salsaq, osyǵan deıin Shyǵys Qazaqstan oblysyndaǵy Altaı men Zaısan aýdandarynda órttiń beti qaıtpaı jatqanyn habarlaǵan edik.

Foto: DChS VKO