ShQO-da dala órti 6 myń gektar jerdi sharpydy
ÓSKEMEN. QazAqparat - Elimizdiń shyǵysynda úsh aýdanda iri dala órti aýyzdyqtaldy, dep habarlaıdy «QazAqparat» HAA tilshisi TJ departamentine silteme jasap.
Ulan aýdanynda 250 gektar jazyq dala otqa orandy. Kókpekti aýdanynda 700 gektardan astam jer órtendi. Eki aýdanda da órt saldarynan turǵyndarǵa tóngen qaýip bolǵan joq.
Órttiń shyǵý saldary anyqtalyp jatyr.
Eń iri órt Semeı qalasynda boldy. Znamenka aýylyna qarasty «Taıfýgan» ýchaskesinde tilsiz jaý 5000 gektar jerdi sharpydy. Alǵashqyda ony jergilikti turǵyndar sóndire bastaǵan. Alaıda, tilsiz jaýdy eńsere almaǵan olar órt sóndirýshilerdiń kómegine júgingen.
Órt sóndirýshiler jasaǵy kele salysymen, bar kúshterin jaqyn mańdaǵy eldi mekenderdi aman alyp qalýǵa jumsady.
Zardap shekkender joq. Munda da órttiń shyǵý sebepteri, kináli tulǵa men shyǵyn kólemi anyqtalyp jatyr.
