ShQO-da dala órti 40 gektarǵa jaıylyp ketti
ÓSKEMEN. QazAqparat – Shyǵys Qazaqstan oblysy Kúrshim aýdanynda órt sóndirýshiler 40 gektardy sharpyǵan qyzyl jalynmen kúresip jatyr, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Kúrshim aýdanynda shóp órtenip, oqıǵa ornyna qutqarýshylar shuǵyl kelip jetken.
«Saǵat shamamen 14.00-de ashyq jerde shóp jandy. Órt sóndirýshiler jalyndy aýyzdyqtaýǵa kiristi. Alaıda lezde taraǵan ot 40 gektar aýmaqqa jaıylyp ketken», - dep habarlady vedomstvo ókilderi.
Qazirgi ýaqytta jeke quramnan 13 adam men 2 tehnıka, orman sharýashylyǵynan 11 adam men 3 tehnıka, jergilikti atqarýshy organnan 1 sý tasyǵysh kólik pen 2 traktor jáne jergilikti 25 turǵyn tilsiz jaýmen kúresip jatyr.
