ShQO-da chat-bot arqyly jasóspirimge jasalmaq bolǵan zorlyq áreketi anyqtaldy
ÓSKEMEN. KAZINFORM – Shyǵys Qazaqstan oblysynyń prokýratýrasy iske qosqan «URPAQ» jobasy arqyly jasóspirimder arasyndaǵy zorlyq-zombylyqtyń aldyn alý faktisi tirkeldi.
2024 jyldan beri jumys istep kele jatqan joba balalar men ata-analarǵa býllıng, zorlyq-zombylyq jáne ózge de qaýipter týraly anonımdi túrde habarlaýǵa múmkindik beredi.
Prokýratýra málimetinshe, osy jyldyń sáýir aıynda @VKO_URPAQ_BOT chat-botyna kámeletke tolmaǵan baladan ózine qatysty fızıkalyq zorlyq-zombylyq jasalýy múmkin ekeni týraly habarlama túsken.
Tarbaǵataı aýdanynyń prokýratýrasy men polıtsııa qyzmetkerleriniń jedel áreket etýiniń arqasynda janjal der kezinde toqtatylǵan.
- Qazirgi ýaqytta jasóspirimniń ómiri men densaýlyǵyna qaýip joq.
Atalǵan fakti boıynsha quqyq buzýshylyq jasaýǵa oqtalǵan jasóspirimderdiń ata-analaryna qatysty QR Ákimshilik quqyq buzýshylyq týraly kodeksiniń 127-baby boıynsha ákimshilik hattamalar toltyryldy, - delingen aqparatta.
Oqıǵaǵa qatysýshylarmen jáne olardyń zańdy ókilderimen profılaktıkalyq ári psıhologııalyq jumystar júrgizilgen.
Shyǵys Qazaqstan oblysynyń prokýratýrasy «URPAQ» telegram-boty táýlik boıy jumys isteıtinin eske saldy.
Aıta keteıik, óskemendik áıel balanyń logıkasyn jetildiretin ulttyq naqyshtaǵy oıynshyqtar jasap júr.
