ShQO-da tsehtan quny jarty mln teńgeni quraıtyn mys urlaǵan eki adam ustaldy

ÓSKEMEN. QazAqparat – Shyǵys Qazaqstan oblysynda JShS-lardyń birindegi mys balqytý tsehynan urlyq jasaǵandar ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, naýryz aıynyń basynda Óskemen qalalyq PB Úlbi polıtsııa bólimine shahar aýmaǵyndaǵy JShS-nyń birinde urlyq jasalǵandyǵy habarlanǵan.

Anyqtalǵandaı, 42 jáne 46 jastaǵy eki er adam JShS-nyń mys balqytý tsehynan mys urlaǵan. Osynyń saldarynan keltirilgen materıaldyq shyǵyn mólsheri 500 000 teńgeni qurady.

«Krımınaldyq polıtsııa qyzmetkerleri kúdiktilerdi polıtsııa bólimine jetkizdi. Tergeý amaldaryn júrgizý barysynda olar óz kinálaryn moıyndaǵan. Іs boıynsha zattaı dáleldemeler alyndy», - dedi ShQO PD bastyǵy Saǵat Mádıev.

Qazirgi ýaqytta atalǵan fakti boıynsha QR QK-niń 188-baby 1-bóligimen sotqa deıingi tergeý júrgizilýde.