ShQO-da bıýdjet qarjysyn jymqyrǵan kásipker izdeýde
ShQO MKD ETQ bas tergeýshisi Leıla Ysqaqovanyń aqparaty boıynsha, 2012 jyldyń aqpanynan 2015 jyldyń maýsymyna deıin S.Chernenko men E.Selıanına atty jeke kásipkerlerdiń «jalǵan» jumys oryndaryn rásimdep, bıýdjetten 9,6 mln. teńge jymqyrǵany anyqtaldy. Kásipker S. Chernenko «jumys berýshi» dep mártebe alǵan. Keıin «Jumyspen qamtýdyń jol kartasy - 2020» memlekettik baǵdarlamasy boıynsha Óskemen ákimdiginiń jumyspen qamtý ortalyǵymen turǵyndardyń maqsatty tobyna jatatyn azamattardy jumysqa ornalastyrý úshin áleýmettik jumys oryndaryn qarjylandyrý týraly kelisimshart jasasady.
Ol «IRON» JK-ǵa adamdardy jumysqa qabyldady dep, oǵan bólingen bólingen qarjyny ózi ıemdenip otyrǵan. Jumysqa ornalasty delingen tizimdegilerdiń jartysy, «IRON» JK-da az ýaqyt jumys istep, aıyna 50-60 myń teńge emes, kúnine 500-1 000 teńge alyp otyrǵandaryn aıtqan. Kásipker jyl saıyn jumys oryndardy tek qaǵaz júzinde arttyryp otyrǵan. Memleket oǵan jalpy 5,2 mln teńge qarjy tólegen.
Dál osyndaı ótinishti Óskemen qalasy ákimdigi jumyspen qamtý ortalyǵyna 2013 jyly naýryzda onyń birge turatyn áıeli E.Selıanına berip, ol da Chernenko sııaqty alaıaqtyqpen aınalysady. Jumyspen qamtý ortalyǵy 2013-2016 jyldar aralyǵynda Selıanına JK-nyń shotyna 4,4 mln teńge bóledi.
Chernenko men Selıanına 2015 jyldyń qyrkúıeginde tergeýden qashyp, halyqaralyq izdeýge jarııalanady.
10 aı ótkennen keıin ETQ qyzmetkerleri Krasnoıarsk ólkesi RF ІІM qylmystyq izdeý qyzmetkerlerimen birlesip Chernenkony ustaıdy. Ol úshinshi qabattan sekirip, aıaǵyn syndyryp, aýrýhanaǵa túsedi. 3 aıdan keıin, 2016 jyldyń qarashasynda Chernenko Reseıden Qazaqstanǵa ekstradatsııalandy.
Óskemen qalalyq soty Chernenkonyń múlkin tárkilep, 5 jylǵa bas bostandyǵynan aıyrady. Bıýdjet qarjysyn jymqyrý boıynsha istiń ekinshi fıgýranty E.Selıanına osy ýaqytqa deıin izdeýde.
