ShQO-da burynǵy áıelin úsh aı boıy ańdyǵan er adam sottaldy
ASTANA. KAZINFORM — Shyǵys Qazaqstan oblysynyń turǵyny buryn birge turǵan áıeliniń sońynan túsip ańdyǵany úshin jazalandy, dep habarlaıdy oblystyq prokýratýrasynyń baspasóz qyzmeti.
Oblys ortalyǵynyń turǵyny úsh aı boıy buryn birge turǵan áıelin zańsyz ańdyp, telefon soǵyp, balaǵattaý men qoqan-loqy kórsetilgen habarlamalar jibergen, sondaı-aq onyń múlkine — avtokóligine zaqym keltirgen.
Aıyptalýshynyń áreketteri stalkıng jáne múlikti joıýmen qorqytý retinde saralandy. Sot talqylaýy barysynda memlekettik aıyptaýshy onyń eki epızod boıynsha da kinásin tolyq dáleldedi.
— Sottyń zańdy kúshine engen úkimimen sottalýshy QR Qylmystyq kodeksiniń 115 jáne 115-1-baptary boıynsha kináli dep tanylyp, abattandyrý jáne aýmaqtardy tazalaý jumystaryna tartý arqyly 160 saǵat qoǵamdyq jumystarǵa tartyldy, — delingen habarlamada.
Prokýratýra organdary jeke tıispeýshilikke qol suǵýshylyq jáne osyǵan uqsas quqyqqa qarsy áreketter úshin jazanyń bultartpastyǵy týraly eskertedi.
Buǵan deıin Qyzylordada stalkıng jasaǵan 4 adamǵa qatysty úkim shyqqany belgili boldy.
