ShQO-da bulan atqan brakoner sottaldy

ÓSKEMEN. QazAqparat – Shyǵys Qazaqstan oblysy Rıdder qalasynyń turǵyny bulan atqany úshin jazaǵa tartyldy, dep habarlaıdy QazAqparat tilshisi.

ShQO Orman sharýashylyǵy jáne janýarlar dúnıesi ınspektsııasynyń málimetine súıensek, Rıdder qalalyq sotynda bulan atqan brakonerdiń isi qaralǵan. Sot úkimimen ol eki jylǵa ańshylyqpen aınalysý quqyǵynan aıyrylyp, bir jylǵa bas bostandyǵy shekteldi. Sonymen qatar aıyptalýshydan memleket paıdasyna 2 083 500 teńge óndirilmek.

Esterińizge sala ketsek, ótken jyldyń qazan aıynyń basynda oblystyq Orman sharýashylyǵy jáne janýarlar dúnıesi ınspektsııasynyń qyzmetkerleri, prokýrorlar men polıtseıler patrýldeý kezinde Glýbokoe aýdanyndaǵy Sakmarıha ózeniniń jaǵasynda bulan atqan Rıdder qalasynyń turǵynyn ustaǵan bolatyn.