ShQO-da Buqtyrma ózenindegi muzdyń erýi tikushaqpen baqylanýda
ÓSKEMEN. QazAqparat – Shyǵys Qazaqstan oblysyndaǵy Buqtyrma ózenindegi sý deńgeıi qaýipti belgige jetken joq, dep habarlaıdy QazAqparat.
«Qazgıdromet» RMK málimetinshe, oblystyń eki aýdanynda qar jamylǵysy 60 santımetrden asady. Atap aıtqanda, Kúrshimdegi Marqakól qoryǵynda – 73 sm, Altaıda – 62 sm. Qalǵan óńirlerde qar erip ketken.
Jýyqta ShQO Tótenshe jaǵdaı departamentiniń jáne oblystyq Jumyldyrý daıyndyǵy basqarmasynyń ókilderi sý tasqynynyń aldyn alý maqsatynda MI-8 tikushaǵymen «Óskemen-Altaı-Katonqaraǵaı-Óskemen» baǵyty boıynsha áýeden baqylaý júrgizdi.
«Ózenderde muz áli erip jatyr. Sý deńgeıi qaýipti belgige jaǵyndamaǵan. Jaǵdaı turaqty. Buqtyrma ózeniniń sýy óz arnasymen aǵýda. Sol mańaıdaǵy Altaı aýdanynyń eldi mekenderin sý basý qateri joq», - dep habarlady oblystyq TJD-nyń baspasóz qyzmeti.
Katonqaraǵaı aýdany Sennoe aýylynda jedel-qutqarý jasaǵynyń mamandary Buqtyrma ózenindegi sý deńgeıin táýlik boıy baqylaýda. Sońǵy kúnderi kúnniń sýytýy men aspannyń bulttanýyna baılanysty qardyń erýi birshama báseńdegen.
