ShQO-da Buqtyrma jaǵalaýynda maýsymdyq qutqarýshylar beketi ashyldy
ASTANA. KAZINFORM – Shyǵys Qazaqstan oblysynda Buqtyrma sý qoımasynyń Samar jaǵalaýynda maýsymdyq qutqarýshylar beketi jumysyn bastady. Bul týraly ShQO Tótenshe jaǵdaılar departamentiniń baspasóz qyzmeti málim etti.
Vedomstvonyń habarlaýynsha, Novostroıka aýylynda ornalasqan bekette jazǵy maýsym boıy órt sóndirýshiler men jedel-qutqarý jasaǵynyń qyzmetkerleri táýlik boıy kezekshilik etedi.
«Qutqarý beketi qajetti arnaıy júzý quraldarymen jáne órt sóndirý avtokóligimen tolyq jabdyqtalǵan. Qutqarýshylar qaıyqpen patrýl júrgizse, órt sóndirýshiler jaǵalaý boıyndaǵy demalys oryndary men obektilerdiń órt qaýipsizdigi talaptaryn saqtaýyn baqylaýda ustaıdy», – delingen TJD habarlamasynda.
Budan bólek, demalýshylarǵa órt qaýipsizdigi jáne sýdaǵy qaýipsizdik erejeleri boıynsha jadynamalar taratylyp, turaqty túrde nusqaý jáne oqytý jumystary júrgizilýde.
Aıta keteıik, qutqarýshylar joǵalyp ketken ańshyny tapty.