ShQO-da Buqtyrma sý qoımasynan eki bala qutqaryldy

ÓSKEMEN. KAZINFORM – Shyǵys Qazaqstan oblysynda Buqtyrma sý qoımasynda eki bala qutqaryldy, dep habarlaıdy Tótenshe jaǵdaılar mınıstrligi.

Oqıǵa Altaı aýdanynda tirkeldi. SUP-bordpen syrǵanaý kezinde qatty jel men aǵys saldarynan balalardy jaǵadan alystatyp áketken.

Balalardyń ata-analary birden qutqarýshylarǵa habarlasqan. Shaqyrtý boıynsha jedel-qutqarý jasaǵynyń qyzmetkerleri oqıǵa ornyna dereý jetti.

Qutqarýshylar motorly qaıyqtyń kómegimen balalardy aman-esen jaǵaǵa shyǵardy. Olarǵa medıtsınalyq kómek qajet bolǵan joq. Tekseristen keıin balalar ata-analaryna tapsyryldy.

Tótenshe jaǵdaılar mınıstrligi azamattarǵa mynadaı eskertýlerdi saqtaý qajettigin eske salady:

• Balalardy sý jaǵasynda qaraýsyz qaldyrmańyz;

• Qaıyqpen, katamaranmen jáne SUP-bordpen syrǵanaǵanda qutqarý keýdeshelerin qoldanyńyz;

• Aýa raıy jaǵdaıyn jáne jeldiń kúshin qadaǵalańyz.

Aıta keteıik, TJM qutqarýshylary úsh myńdyq bıiktikten úsh adamdy evakýatsııalady.