ShQO-da buǵy múıizin shekara asyrmaq bolǵandar ustaldy
ÓSKEMEN. QazAqparat - Shyǵys Qazaqstannyń Zaısan aýdanynda buǵy múıizin tıegen jeńil kólik ustaldy, dep habarlaıdy QazAqparat tilshisi.
Kúdikti merekelik demalysty paıdalanyp, zańsyz taýardy shekara asyrmaq bolǵan. Zaısan qalasynyń patrýldik polıtsııasy Toyota Samry markaly kóliktiń ishinen 20 dana múıiz tapqan. 28 jastaǵy avtomashına ıesinde múıiz tasymaldaýǵa negiz bolatyn eshbir qujat bolmaǵany anyqtaldy.
«Kólik ıesine ákimshilik hattama toltyryldy. Al tárkilengen múıizder quzyrly organdarǵa joldandy» - delingen oblystyq Polıtsııa departamentiniń baspasóz qyzmeti taratqan aqparatta.
