ShQO-da búginnen bastap oblysishilik avtobýstar jolǵa shyqty
ÓSKEMEN. QazAqparat – Shyǵys Qazaqstan oblysynda 23 mamyrdan bastap birqatar karantın shekteýi jeńildetildi, dep habarlaıdy QazAqparat tilshisi.
Oblys ákimi baspasóz qyzmetiniń habarlaýynsha, búginnen bastap Semeıden basqa qala, aýdandarda avtobýs qatynaı bastady. Sonymen qatar balabaqshalar men Halyqqa qyzmet kórsetý ortalyqtary jumysyn qaıta bastaǵan.
«Barlyq derlik ónerkásiptik kásiporyndar karantınge deıingi jumys rejımine kóshti. Jekemenshik obektilerdiń 65 paıyzy burynǵy qyzmetin bastady. Meıramhanalar, dámhanalar jáne basqa da tamaqtaný oryndary ashyldy. Ondaǵy sanıtarlyq normalardyń saqtalýy qatań baqylaýda», - delingen málimette.
Budan bólek, Óskemen qalasynyń turǵyndaryna Gornaıa Ýlbınka, Sibe kólderi men Buqtyrma sý qoımasyna demalysqa barýǵa ruqsat berilgen.
Esterińizge sala ketsek, osyǵan deıin óńirde 23 mamyrdan bastap HQO-lar ashylatyndyǵy habarlanǵan.
