ShQO-da búgin 3 ret qar kóship, joldardy basyp qaldy

ÓSKEMEN. QazAqparat – Shyǵys Qazaqstan oblysynda bir kúnde 3 ret qar kóshkini júrdi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 7 qańtarda saǵat 7:30-da aýdandyq mańyzy bar «Altaı-Bogatyrevo» tasjolynyń 36 jáne 37-shaqyrymdarynda jalpy kólemi 3 500 tekshe metr qar kóshkini tústi.

«Sondaı-aq, saǵat 9.50-de «Altaı-Pýtıntsevo» tasjolynyń ýchaskesinde kólemi 3 700 tekshe metr kóshkin júrgen. Birden atalǵan joldar jabyldy. Kóshkinnen zardap shekkender men qıraǵan ǵımarattar bolǵan joq. Qazirgi ýaqytta joldy tazartý jumystary júrgizilip jatyr», - delingen aqparatta.

Aıta keteıik, óńir boıynsha kóshkin júrý qaýpi 8 qańtarǵa deıin saqtalady.

Eske salsaq, oblysta 5 jáne 6 qańtar kúnderi de qar kóshkini júrgenin habarlaǵan edik.

Foto: t.me/qr_tjm