ShQO-da búgin 10 myńǵa jýyq bala mektep tabaldyryǵyn alǵash ret attady
Búgin oblystaǵy 342 mektepte alǵashqy qońyraý soǵyldy. Jańa oqý jylynda 95 138 oqýshy mektep partasyna otyrdy. Onyń ishinde 10 138 bala mektep tabaldyryǵyn alǵash ret attady.
ShQO bilim basqarmasy basshysynyń orynbasary Dınara Shaýhınanyń aıtýynsha, bıyl mektepterge 800-ge jýyq jas ustaz jumysqa qabyldanǵan.
«Óńirdegi kópbalaly jáne az qamtylǵan otbasylardyń barlyq balalary mektep formasymen qamtamasyz etilgen. Jalpy oblys boıynsha 21 myń balaǵa áleýmettik qoldaý kórsetildi. Jańa oqý jylynda 83 avtobýs eldi mekenderdegi oqýshylardy mektepke tasıdy. Naqty aıtqanda, 106 aýyldaǵy 1656 bala bilim ordasyna tasymaldanady. Jyl sońyna deıin taǵy 11 avtobýs satyp alý kózdelip otyr», - dedi ol.
Shyǵys Qazaqstanda erekshe bilim berýdi qajet etetin 10 053 bala bar. Onyń ishinde 7 337-si mektep oqýshylary. Barlyq mektepterde ınklıýzıvti bilim berýge jaǵdaı jasalǵan.
