ShQO-da birneshe aýdanda jóndelgen joldarda kepildik merzimi joq bolyp shyqty – Antıkor

ÓSKEMEN. KAZINFORM – Shyǵys Qazaqstan oblysynda Antıkor birneshe aýdanda jóndelgen jolda kepildik merzimi jasalmaǵanyn anyqtady.

QR Sybaılas jemqorlyqqa qarsy is-qımyl agenttigi ShQO boıynsha departamenti óńirde ortasha jol jóndeý jumystarynan keıin kepildik merziminiń qysqartylyp jasalǵanyn nemese múlde kepildiktiń joqtyǵyn anyqtady. 

— Zań boıynsha jóndelgen jolda 2-den 6 jylǵa deıingi kepildik merzimi bolýy tıis. Alaıda birneshe aýdanda merdigerler bul talapty buzǵan. Máselen, Katonqaraǵaı aýdanynda bir kompanııa 300 mln teńgeden astam somaǵa ortasha jol jóndeý jumystaryn júrgizgen. Alaıda tekserý barysynda onyń sol jolǵa kepildik merzimin jasamaǵany anyqtaldy, — deıdi departament basshysy Denıs Shakenov. 

Osyǵan baılanysty Antıkor tıisti sharalar qabyldatý úshin ákimdikterge usynymdar joldady.
Eske salsaq, osyǵan deıin elimizde jańadan salynatyn avtojoldar belgili bolǵany habarlanǵan.