ShQO-da brakonerlerge 2,5 mln teńgeden astam aıyppul salyndy

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri brakonerlerden 2 tonnadan artyq balyq tárkilep, 2,5 mln teńgeden astam aıyppul saldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, óńir aýmaǵynda 16 sáýirden bastap «Ýyldyryq-2022» jedel-aldyn alý sharasy ótkizilip jatyr. Mundaǵy maqsat – balyqty zańsyz aýlaýǵa, tasymaldaýǵa jáne satýǵa baılanysty quqyq buzýshylyqtar men ekologııalyq qylmystarǵa tosqaýyl qoıý.

«Shara bastalǵaly beri zańsyz balyq aýlaýdyń 195 faktisi anyqtaldy. 187 adamǵa qatysty jalpy somasy 2,5 mln teńgeden astam ákimshilik aıyppul salyndy. Brakonerlerden 2 tonnaǵa jýyq balyq, 2900 metr sıntetıkalyq aý, 32 balyq aýlaý quraly tárkilendi. Memleketke keltirilgen zalal somasy 10 mln teńgeden asyp otyr», - dedi oblystyq PD bastyǵynyń birinshi orynbasary Eldos Zakımov.

Osy rette, tártip saqshylary azamattardan tyıym salynǵan aralyqta balyq aýlamaı, tabıǵatty qorǵaýǵa shyqardy. Naýqan 30 mamyrǵa deıin jalǵasady.

Esterińizge sala ketsek, osyǵan deıin ShQO-da bıyl 300-den astam adam Qazaqstan azamattyǵynan aıyrylǵany habarlanǵan.