ShQO-da brakonerlerden 8 tonnadan astam balyq tárkilendi

ÓSKEMEN. QazAqparat – Shyǵys Qazaqstan oblysynda bıyl brakonerlerden 8 tonnadan astam balyq tárkilengen, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary Kókpekti aýdany Sarybel aýyly mańyndaǵy Buqtyrma sý qoımasynyń jaǵasynda reıd ótkizgen.

Sonyń nátıjesinde, zańsyz balyq aýlaǵan Kókjyra aýylynyń turǵyndary anyqtaldy.

«48 jáne 49 jastaǵy er adamdar rıpýs balyǵyn zańsyz aýlaýmen aınalysqan. Memleketke keltirilgen jalpy shyǵyn mólsheri – 359 841 teńgeni qurady. Polıtsııa qyzmetkerleri oqıǵa ornynan salmaǵy 102,8 keli rıpýs balyǵyn, tirkemesi bar «VAZ» avtokóligin, motorly qaıyq pen uzyndyǵy 80 metr sıntetıkalyq aýdy tárkiledi», - delingen habarlamada.

Jyl basynan beri tabıǵat qorǵaý polıtsııasy 1 190 ret reıd ótkizip, 1 258 ekologııalyq quqyq buzýshylyqty anyqtady.

Sotqa deıingi 40 tergeý bastalyp, 1218 adam ákimshilik jaýapkershilikke tartylǵan.

Sondaı-aq zańsyz aýlanǵan 8052 keli balyq tárkilendi.

Memleketke kelgen zalaldyń jalpy somasy – 20 mln teńgeni qurap otyr.