ShQO-da brakonerler 2 tonnadan astam balyq aýlaǵan
ShQO Polıtsııa departamenti baspasóz qyzmetiniń málimetine súıensek, óńir polıtseıleri 16 sáýir men 30 mamyr aralyǵynda «Ýyldyryq-2021» jedel aldyn alý sharasyn júrgizdi. Mundaǵy maqsat – zańsyz balyq aýlaý faktilerin anyqtaý jáne ekologııalyq qylmystardy ashý.
«Balyq resýrstaryn qorǵaý maqsatynda tártip saqshylary kún saıyn reıdke shyǵyp, sonyń nátıjesinde 316 quqyq buzýshylyq anyqtaldy. Brakonerler 2 tonnadan astam balyq aýlap, memleketke 3 mln teńge zalal keltirgen», - dedi ShQO PD bastyǵy Saǵat Mádıev.
Máselen, polıtseıler Buqtyrma sý qoımasynyń jaǵasynda 1992 jáne 1977 jylǵy Altaı aýdany Oktıabr kentiniń eki turǵynyn toqtatty. Tekserý kezinde «Mitsubishi» avtokóliginen motory bar alıýmınıı qaıyq jáne 874 750 teńge somasyndaǵy 179 keli rıpýs balyǵy tabyldy. Atalǵan fakti boıynsha QR QK-niń 335-baby 1-bóligine sáıkes sotqa deıingi tergeý bastalǵan.
Vedomstvo málimetinshe, tárkilengen balyq arnaıy qabyldaý ornyna tapsyrylady. Al satýdan túsken tabys memleket qazynasyna aýdarylady.