ShQO-da brakonerdiń kóliginen 306 keli balyq tabyldy
ÓSKEMEN. QazAqparat - Shyǵys Qazaqstan oblysy Kúrshim aýdanynda zańsyz balyq aýlaǵan er adam ustaldy, dep habarlaıdy QazAqparat.
«Brakoner» jedel aldyn alý sharasy barysynda polıtsııa qyzmetkerleri 9 qańtar kúni tańǵy saǵat 5.00 shamasynda Qaljyr-Kúrshim tasjolynan Toyota Carina markaly kólikti toqtatqan. Tekserý barysynda 28 jastaǵy júrgizýshiniń tıisti qujattary joq 306 keli balyqty tasymaldaǵany anyqtaldy.
«Kólikten 266 keli nálim, 10 keli qarabalyq, 3 keli shortan jáne 27 keli aqtaban balyǵy tabyldy. Keltirilgen shyǵyn kólemi 815 182 teńgeni quraıdy. Brakoner balyqty Kúrshim aýdany, Shengeldi aýylynyń janyndaǵy Zaısan kólinen aýlaǵan» – dep habarlady ShQO Polıtsııa departamentiniń baspasóz qyzmeti.
Qazirgi ýaqytta QR Qylmystyq Kodeksiniń 335-baby, 1-bóligi boıynsha tergeý amaldary júrgizilýde.
Talǵatjan Muhametbekuly
