ShQO-da brakonerden jol talǵamaıtyn kólik pen atys qarýy tárkilendi
ÓSKEMEN. QazAqparat - Shyǵys Qazaqstan oblysynda «Brakoner» respýblıkalyq jedel-aldyn alý sharasy barysynda zańsyz ańǵa shyqqan Glýbokoe aýdanynyń turǵyny ustaldy, dep habarlaıdy QazAqparat.
Shemonaıha aýdany Verh-Ýba aýylyndaǵy «Maralıha» shatqalynda 38 jastaǵy er adam 2019 jyldyń 4 qazan kúni saǵat 21.30 shamasynda arnaıy jyljymaly jaryqtandyrý quraly men avtokólik shamyn jaǵyp, elik atqan. Tártip saqshylary ony qolǵa túsirgende eliktiń tutas etin, 12 kalıbrli Ij-27 qosaýyzdy tegis uńǵyly myltyǵyn, oq-dári jáne «Mitsubishi Montero Sport» markaly kólikti tárkiledi. Anyqtalǵandaı, er adamnyń ań aýlaýǵa ruqsaty jáne elik atýǵa lıtsenzııasy bolmaǵan. Atalǵan fakti boıynsha QR QK 337-baby, 1-bóligi boıynsha qylmystyq is qozǵalǵan», - dep habarlady ShQO polıtsııa departamentiniń baspasóz qyzmeti.
Shemonaıha aýdandyq sotynyń úkimimen brakonerdiń bir jyl atys qarýyn saqtaýyna jáne ań aýlaýyna tyıym salyndy. Sondaı-aq ol 202 000 teńge mólsherinde aıyppul tóleýge mindetteldi.
Esterińizge sala ketsek, elimizde Memleket basshysynyń tapsyrmasymen brakonerlerge jaza kúsheıtilgen bolatyn.
Avtor: Talǵatjan Muhametbekuly
