ShQO-da brakoner Qyzyl kitapqa engen sibir eligin atyp alǵan

ÓSKEMEN. QazAqparat – Shyǵys Qazaqstan oblysy Jarma aýdanynda sibir eligin atqan brakoner ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Jarma aýdanynyń polıtseıleri «Omby-Maıqapshaǵaı» tasjolynyń boıynda zańsyz ańǵa shyqqan er adamdy ustady. 55 jastaǵy Semeı qalasynyń turǵyny sibir eligin atyp alǵan.

Kúdiktiniń tanysyna tıesili «Volkswagen» avtokóligi, 16h2 kalıbrli «IJ-58» myltyǵy, 7.62 mm kalıbrli «Vepr-Sýper» myltyǵy, 7.62 mm kalıbrli 2 gılza, pyshaq jáne eliktiń óleksesi tárkilendi. Memleketke keltirilgen zalal 765 000 teńgeden asady.

Qazirgi ýaqytta er adam polıtsııa bólimine jetkizildi. Atalǵan fakti boıynsha QR QK-niń 337-baby 3-bóligine (Zańsyz ań aýlaý) sáıkes sotqa deıingi tergeý amaldary bastaldy. Brakoner 5 jylǵa deıin bas bostandyǵynan aıyrylýy múmkin.

Aıta keteıik, Qazaqstanda sibir eligi Qyzyl kitapqa engizilgen.