ShQO-da bir jylda 600 keliden astam esirtki tárkilendi
ÓSKEMEN. KAZINFORM – Shyǵys Qazaqstan oblysynyń polıtseıleri byltyr 600 keliden astam esirtki tárkilegen.
ShQO Polıtsııa departamenti baspasóz qyzmetiniń málimetine súıensek, bir jylda óńir boıynsha esirtkige qatysty barlyǵy 273 qylmys anyqtalǵan. Sonyń nátıjesinde zańsyz aınalymnan 600 keliden astam esirtki túrleri, onyń ishinde azamattardyń ómiri men densaýlyǵyna asa qaýipti 7 keliden astam sıntetıkalyq esirtki tárkilendi.
- Esirtki tasymalynyń tórt negizgi arnasy men tyıym salynǵan ósimdikterdi ósirý úshin paıdalanylǵan 11 fıtozerthana joıyldy. Esirtkiniń ınternet arqyly satylýyna qarsy kúreske erekshe nazar aýdaryldy. Osy jumystyń aıasynda esirtkini jarnamalaıtyn 1271 onlaın-resýrs buǵattaldy, - delingen aqparatta.
Sonymen qatar esirtki saýdasy úshin paıdalanylǵan 5800-den astam bank kartasy men shottardy buǵattaý úshin materıaldar jiberildi. Buǵattalǵan qarajattyń jalpy somasy 117 mln teńge.
Eske salsaq, osyǵan deıin Atyraýda oqýshylardyń esirtkige táýeldiligi tekseriletini habarlanǵan.