ShQO-da bir kúnde 2 ret qar kóshkini júrdi

ÓSKEMEN. KAZINFORM – Shyǵys Qazaqstan oblysynda bir kúnde 2 ret qar kóshkini júrdi.

«Qazseldenqorǵaý» mekemesiniń málimetinshe, Ulan aýdanyndaǵy oblystyq mańyzy bar «Óskemen-Samar» tasjolynyń 101-shaqyrymynda qardyń mol jaýýyna jáne jeldiń kúsheıýine baılanysty qar kóshkini júrdi. Jalpy kólemi 370 tekshe metr qar túsken.

- Zardap shekken eshkim joq. Kóshkin joldy jaýyp tastady. Kóp uzamaı «Oblshyǵysjol» JShS tehnıkalary joldy tazartty, - dep habarlady ShQO tótenshe jaǵdaılar departamentinen. 

Ekinshi kóshkin dál osy tasjoldyń 100-shi shaqyrymynda bolǵan. Taýdan túsken 750 tekshe metr qar joldy jaýyp qalǵan. Qazirgi ýaqytta jol ashylyp, kólik qozǵalysy qamtamasyz etilgen.

Eske salsaq, osyǵan deıin BQO-da kóktemgi sý tasqynyna qarsy daıyndyq qyzý júrip jatqany habarlanǵan.