ShQO-da bir qora qoıdy qyryp ketken sileýsin emes, qasqyr bolyp shyqty
ÓSKEMEN. KAZINFORM – Shyǵys Qazaqstan oblysynda aýyl turǵynynyń 15 qoıyn qyryp ketken sileýsin emes, qasqyr ekendigi anyqtaldy.
Eske salsaq, oqıǵa Samar aýdany Bastaýshy aýyldyq okrýgine qarasty Kókjota aýylynda bolǵan. Qoraǵa kirip ketken belgisiz jyrtqysh ań 15 qoıdy qyryp ketti. Aýdan ákimdigi bul sileýsin dep boljam jasaǵan edi.
Shyǵys Qazaqstan oblystyq Tabıǵı resýrstar jáne tabıǵat paıdalanýdy retteý basqarmasy orman jáne ańshylyq sharýashylyǵy jedel áreket etý jasaǵynyń málimetinshe, qoraǵa túsken sileýsin emes, qasqyr bolyp shyqty.
«Aýyl mańynda qasqyr izi baıqaldy. Jasaq qyzmetkerleri sol boıynsha túz taǵysynyń sońyna tústi. Qarshanamen Kókjota tóńiregin sharlap, aýyldan birneshe shaqyrym jerden 4 qasqyrdy kórdi. Qasqyrlar túgeldeı atyp alyndy», - delingen habarlamada.
