ShQO-da boryshkerler shetelge kedergisiz shyǵyp kelgen
ÓSKEMEN. QazAqparat - Shyǵys Qazaqstanda 179 zańdy tulǵa memleketke 1,8 mlrd teńge qaryz. Oblystyq prokýratýra osyndaı aqparat taratty, dep habarlaıdy QazAqparat tilshisi.
Shyǵys Qazaqstan oblysynyń prokýratýrasy sot oryndaýshylarynyń memleket paıdasyna qarajat óndirý jumystaryna tekserý júrgizip, birqatar olqylyqtardy anyqtaǵan.
Ásirese sot oryndaýshylarynyń boryshkerlerge elden tys aýmaqtarǵa shyǵýyna shekteý qoımaýy jıi oryn alǵan.
Mysaly, memleket aldynda 5 mln teńge bereshegi bar 17 tulǵanyń bank shottaryna tyıym salmaýy saldarynan boryshkerler ózderiniń esepshottarynan 27 mln teńge alǵan. Al elden tysqary shyqpaýy tıis 7 boryshker memlekettik shekaradan 38 ret ótken. 584 boryshker bereshegi bola tura, eńbekaqysyn esh kedergisiz alyp kelgen. Saldarynan memleketke óndiriletin 25 mln teńge ótelmeı qalǵan.
«Kóp jaǵdaıda sot oryndaýshylary boryshker kásiporyndardyń ıeligindegi múlik týraly málimetterden habarsyz bolǵany anyqtaldy. ıAǵnı, boryshkerlerdiń tirkeý ornyna bas suqpaǵan. Qazirgi kezde 179 zańdy tulǵanyń memleket aldynda 1,8 mlrd teńge bereshegi bar» - deıdi vedomstvonyń baspasóz hatshysy Ásel Momynjanova.
Atalǵan olqylyqtarǵa jol bergen 17 sot oryndaýshy tártiptik jaýapkershilikke tartylyp, 2 sot oryndaýshysynyń lıtsenzııasyn toqtatý týraly Ádilet mınıstrligine usynys joldanǵan.
