ShQO-da boranǵa tap bolǵan adam 16 saǵat boıy dalada adasyp júrgen
ShQO polıtsııa departamenti baspasóz qyzmetiniń málimetine súıensek, 5 qańtar saǵat 15:10-da Shemonaıha aýdandyq polıtsııa bólimine er adamnyń joǵalyp ketkeni jaıly habar túsken.
«Belgili bolǵandaı, 37 azamat 5 qańtarda tańǵy saǵat 04:00 shamasynda Ýst-Talovka aýylynan kórshiles Zarechnoe aýylyndaǵy úıine jaıaý jol tartqan. Alaıda 9 saǵat ótse de úıine jetpedi. Onyń qaıda júrgeni belgisiz bolǵan. Er adam tek týystaryna qońyraý shalyp, borannyń saldarynan adasyp ketkenin, bir baǵananyń janynda aınalyp júrgenin, odan basqa eshteńe kórmeıtinin jáne telefonnyń qýaty taýsylaıyn dep turǵanyn habarlaǵan», - delingen aqparatta.
Іzdeý jumysyna polıtsııa bóliminiń barlyq jeke quramy, qutqarýshylar, aýdan ákimdiginiń qyzmetkerleri jáne qarda júretin kóligi bar Ýst-Talovka aýylynyń turǵyny Evgenıı Pavlov tartylǵan.
Saǵat 20:00-de tártip saqshysy Aıbek Naǵumanov pen Evgenıı Pavlov Ýst-Talovka aýylynan 1,5 shaqyrym jerde adasqan azamatty aman-esen tapty.
Aıta keteıik, Shemonaıha aýdandyq polıtsııa bóliminiń bastyǵy Nurjan Túgelov Aıbek Naǵumanov pen Evgenıı Pavlovqa alǵys aıtyp, gramotamen marapattady.
Foto: ShQO polıtsııa departamenti