ShQO-da boranǵa baılanysty tasjoldardyń birinde kólik qozǵalysy shekteldi
ÓSKEMEN. QazAqparat – Shyǵys Qazaqstan oblysynda boranǵa baılanysty tasjoldardyń birinde kólik qozǵalysy shekteldi, dep habarlaıdy QazAqparat tilshisi.
«Qazaqavtojol» JShS ShQO fılıalynyń málimetine súıensek, 5 aqpanda saǵat 18.30-dan bastap óńirde aýa raıynyń nasharlaýyna baılanysty (burqasyn, joldyń kórinbeýi) respýblıkalyq mańyzy bar «Óskemen-Semeı» tasjolynyń 10-198 shaqyrymynda ( Qalbataý aýyly men Semeı qalasynyń aralyǵy) júk kólikteriniń jáne avtobýstardyń qozǵalysyna shekteý qoıyldy.
Osy rette, Shyǵys Qazaqstan oblystyq Tótenshe jaǵdaılar departamenti turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
