ShQO-da boranǵa baılanysty birqatar jolda kólik qozǵalysy shekteldi
ÓSKEMEN. QazAqparat - Shyǵys Qazaqstan oblysynda birqatar tasjolda kólik qozǵalysy shekteldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, aýa raıynyń nasharlaýyna, naqty aıtqanda boran men kóktaıǵaqqa baılanysty óńirdegi birqatar jolda kólik qozǵalysy shekteldi.
- Búgin saǵat 16.20-dan bastap respýblıkalyq mańyzy bar «Óskemen-Semeı» tasjolynyń 10-198 shaqyramynda (Gerasımovka aýyly men Semeı qalasynyń aralyǵy), «Óskemen-Rıdder-RF shekarasy» tasjolynyń 15-105 shaqyramynda (Beloýsovka aýyly men Rıdder aralyǵy), «Óskemen-Shemonaıha-RF shekarasy» tasjolynyń 15-123 shaqyramynda tirkemesi jáne jartylaı tirkemesi bar júk kólikteri, sondaı-aq jolaýshy tasıtyn kólikter qozǵalysyna shekteý engizildi, - delingen aqparatta.
