ShQO-da boranǵa baılanysty joldardyń biri kóliktiń barlyq túri úshin jabyldy

ÓSKEMEN. KAZINFORM — Shyǵys Qazaqstan oblysynyń keı jerinde aýa raıy kúrt buzylyp ketti.

ShQO Tótenshe jaǵlaılar departamenti baspasóz qyzmetiniń málimetine súıensek, oblystyq mańyzy bar tasjoldardyń biri saǵat 22.00-den bastap jabyldy.

— Aýa raıynyń qolaısyzdyǵyna, naqty aıtqanda boran men joldyń durys kórinbeýine baılanysty Kúrshim-Qaljyr tasjolynyń 65–131 shaqyrymynda kóliktiń barlyq túriniń qozǵalysyna tyıym salyndy. Sondyqtan kólik júrgizýshilerin óz marshrýttaryn aldyn ala josparlap alýdy suraımyz, — delingen aqparatta.

Qutqarýshylar halyqqa alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi. 

Eske salsaq, osyǵan deıin Pavlodarda erteńnen bastap jol erejesin baqylaıtyn jańa beınekameralar iske qosylatyndyǵy habarlanǵan.